<< páxina principal
<< máis novas

 

 


Reivindicam a construçom de um circuito galego de velocidade.

15-07-2003. NOVAS DA GALIZA
A Junta da Galiza abandona projecto que tinha anunciado em 1.991

A Plataforma Pró Circuito Galego de Velocidade continua a
sua actividade centrada na informaçom e na mobilizaçom com o
objectivo de dotar o país de umha pista de velocidade para a
formaçom e o treino de automobilistas
e motociclistas. No
colectivo consideram o circuito umha "infra-estrutura necessária
para o impulso e prática dos nossos
desportos".

Em 1991 apresentava-se oficialmente o projecto de circuito com a correspondente maquete, homologado polas federaçons internacionais do motor. A administraçom autonómica nom executou desde entom o projecto,
considerado pola plataforma "imprescindível para o futuro do automobilismo e do motociclismo na Galiza". O pedido virou queixa e tornou-se em várias
mobilizaçons, a última em Compostela, em que centos de aficionados, pilotos, representantes de clubes, escuderias e federaçons respondiam ao chamamento
do organismo: "é o momento de fazermo-nos ouvir". A iniciativa nasceu com o objectivo de "fazermos algo para acordar do sonho o ansiado circuito".


Conta com o apoio de numerosos clubes de motociclismo e automobilismo, assim
como muitas pessoas e colectivos à volta, e, na teoria, até polo mesmo Fraga, que incluiu a criaçom da pista nas suas promessas das passadas eleiçons autonómicas.

Em Abril de 2002 apresentárom as reivindicaçons perante o parlamento galego, obtendo apoio verbal para a realizaçom do projecto. No entanto, desde a
data até à ediçom do jornal, nom houvo nenhum sinal que apontasse para a criaçom do circuito por parte das instituiçons, apesar das promessas que indicavam que o projecto ia ser apresentado no mês de Maio.

Mais informaçom em Novas da Galiza.
www.novasgz.com